ग्यास सिलिण्डर पड्किएर आगलागी

१३ साउन, मोरङ । विराटनगरमा ग्यास सिलिण्डर पड्किएर आगलागी हुँदा दुई लाख मूल्य बराबरको क्षति भएको छ ।

विराटनगर-११ स्थित अमरटोलका विशेश्वर चौधरीको घरमा भाडामा बसेका बिद्यार्थीहरुले खाना पकाउने क्रममा ग्यास सिलिण्डर पड्किदा आगलागी भएको मोरङ प्रहरीले जनाएको छ । शनिबार साँझ सात बजे लागेको आगो प्रहरी र स्थानीयबासिन्दाको सहयोगमा आधा घन्टा पछि नियन्त्रणमा लिईएको थियो । आगलागीबाट घरमा रहेका लत्ताकपडा, खाद्यन्न लगायतका सामान जलेर नष्ट भएको हो ।